Opozita Shqiptare, në tre komuna me kandidatë nga diaspora

Koalicioni i partive opozitare shqiptare, Aleanca për Shqiptarët dhe Alternativa po shqyrton seriozisht garimin në zgjedhjet lokale me kandidatë nga diaspora, në të paktën tre komuna. Siç ka arritur të mësojë in7, aktualisht po bëhen edhe anketimet më të detajuara brenda për brenda, me qëllim që në fund të dalin me kandidatin më të përshtatshëm. Edhe pse ende nuk kanë nisur bisedimet konkrete mes dy komisioneve të të dy partive në koalicion, për t’i ndarë komunat dhe kandidatët e mundshëm, jozyrtarisht mësohet se për tre nga komunat ku do të garojnë, kanë një pajtim të përgjithshëm se duhet të dilet me kandidat nga diaspora. Kjo duke e patur parasysh edhe profilin e kandidatëve që janë duke u konsideruar dhe karakteristikat e atyre komunave, shkruan in7.

Komunat për të cilat ka një pajtim brenda koalicionit për kandidat të mundshëm prej diasporës janë: Kërçova, Struga dhe Tearca.

“Kemi analizuar disa emra konkretë sidomos për Strugën dhe Kërçovën, ndërsa seriozisht bëjmë analiza edhe për Tearcën ku kemi dy kandidatë potencialë, të cilët veprojnë me sukses në mërgim. Nuk do t’i përmend emrat për arsye strategjie, por duhet ta dini se do të jenë emra me shumë potencial në aspektin e menaxhimit, persona të ndershëm dhe shumë të suksesshëm në veprimtarinë e tyre”, thotë për in7, burim i lartë partiak.

Para disa javëve edhe Nënkryetari i Aleancës për Shqiptarët, Remzi Mehmedi në një debat me Kreshnik Bekteshin nga Bashkimi Demokratik për Integrim, i bëri ofertë këtij të fundit për të dalur me një kandidat të përbashkët nga diaspora për Kërçovën. Mehmedi ia kujtoi Bekteshit se pikërisht diaspora shqiptare është faktori kryesor që Komuna e Kërçovës drejtohet nga një shqiptar, prandaj pse jo, sipas tij, të mos nxirret një kandidat nga diaspora. Kjo do të tregonte edhe respektin dhe qëllimin e mirë të politikës shqiptare këtu ndaj mërgimtarëve shqiptarë, të cilët sa herë që paraqitet nevoja dinë të jenë aty për çdo aksion me karakter kombëtar.

Zgjedhjet lokale pritet të mbahen diku në muajin Nëntor të këtij viti, ndërsa për herë të parë në zgjedhje, do të përdoren aparatet për identifikim përmes shenjave të gishtërinjve (fingerprint). Aktualisht po zhvillohet procedura për furnizim me numrin e nevojshëm të këtyre aparateve. Kjo shihet si një “ogur” i mirë për demokracinë në vend, duke shmangur edhe dyshimet më të vogla për keqpërdorim të procesit zgjedhor./in7.tv/

Comments

KOHË AMATORIZMI NË LETËRSI

Për HEJZA-n flet Puntorie Muça-Ziba, shkrimtare Puntorie Muça-Ziba u lind në Strugë në vitin 1954. Shkollën fillore e kreu në Veleshtë, të mesmen në Strugë, kurse Akademinë Pedagogjike, dega Gjuhë dhe Letërsi shqipe në Shkup. Deri më tani ka botuar poezi për të rritur: “Rruga e mjellmës”-1987, “Sodisin yjet”-1990, “Kuku”-1977, “Rapsodi udhëtarësh”-1995, “Suita e lënduar”-2002“Suita ime”,“Vega”- 2006, “Koha e qershive”- 2018. Poezi për fëmijë: “Yllkat bisedojnë me meteorë”-1994, “Xixëllonjat luajnë valle natën”-2007, Pjesë dramatike për fëmijë: “Aventurat e princit Ujkan”-1999. Tregime për të rritur: “Shtatë vjet pritje”-1974, “Te logu i cucës”-1998, “Mjedra e egër në malin e thatë”-2003. Pjesë dramatike për të rritur: “Motrat me shirit të kuq”- e inskenuar në Shkup dhe në Teatrin Kombëtar, Tiranë 1993 -1994. “Dorotea” e botuar- 1998, “Udha e ikjes” – fitoi çmimin e tretë në konkursin “Buzuku” e botuar -2007, “Nuk martohem kësaj vere”-1999, “Zonja me celular”, monodramë, e botuar në rev

LETËRSIA ËSHTË MJESHTËRI

Flet për HJEZA-n Adil OLLURI, shkrimtar Adil Olluri (1984) është prozator dhe kritik letrar. Deri më tan ka botuar këto vepra artistike: “Bartësi i shpirtrave të përzënë” (roman), “Shumë rrugë dhe një rënie” (tregime) dhe “Kthimi i profetit” (tregime), pastaj monografitë studimore nga fusha e letërsisë: “Fytyra e tiranisë”, “Shkrimtari polimorf” dhe “Romani postmodern shqiptar” (monografi). Adil Olluri është fitues i shpërblimit letrar ndërkombëtar “Premio Ostana Internazionale”, që jepet nga bashkia e Ostanës në Itali. Tregimet e tij janë të përkthyera në shumë gjuhë, ku vlen të cekët përkthimi në gjuhën italiane dhe botimi i tyre nga botuesi serioz italian “Edizione Ensemble”, me seli në Romë. Tregimi “Kthimi i babait” është përkthyer në njëmbëdhjetë gjuhë të huaja. Punon në Institutin Albanologjik të Prishtinës. HEJZA: A mjafton fakti se sot, meqë kemi shumë shkrimtarë që “po shkruajnë”, mund të konstatojmë se po bëjmë letërsi? OLLURI: Nuk do ta trajtoja kështu këtë çështje. Më

SASIA KURRSESI NUK ËSHTË CILËSI

Për HEJZA-n flet Andreas Dushi, shkrimtar Andreas Dushi prej disa kohësh është i pranishëm në median e shkruar me artikuj letrarë dhe kulturorë. Ka botuar vëllimin poetik "Krishti vesh me t'kuqe", novelën "Kur vdekja të na bashkojë", romanin "Marrja e gjakut", si dhe shumë tregime e poezi në revista, gazeta dhe antologji të ndryshme HEJZA: A mjafton fakti se sot, meqë kemi shumë shkrimtarë që “po shkruajnë”, mund të konstatojmë se po bëjmë letërsi? DUSHI: Nuk e kuptoj pse shkruajnë është futur brenda thonjëzave. Shkrimi në vetvete është një proces kompleks i cili, sigurisht nuk lidhet veç me shkrimtarët, fjalë që, po të ishte në thonjëza, do ta kuptoja arsyen. Por, përtej këtij sqarimi të nevojshëm në optikën time, besoj se e kam kuptuar çfarë synoni të më pyesni. Në letërsi, ashtu sikurse kudo përtej leninizmit ku forma dhe përmbajtja duhet ta justifikonin njëri – tjetrin, sasia kurrsesi nuk është cilësi. Prandaj, sikur të synojmë vendosjen e ndonjë

SOT info

Search This Blog