Komiteti i Përbashkët i Mbretërisë së Bashkuar për Vaksinimin dhe Imunizimin ka refuzuar të japë dritën jeshile për vaksinimin e fëmijëve të moshës 12-15 vjeç vetëm për arsye shëndetësore.
Trupa këshillimore shkencore ka thëne se përfitimet e vaksinimit të fëmijëve janë më të mëdha se rreziqet, por megjithatë përfitimet janë aq të vogla sa nuk rekomandojnë vaksinimin e domosdoshëm të fëmijëve për arsye shëndetësore.
Por, mjekët identifikuan se fëmijët me sëmundje kronike të zemrës, mushkërive dhe mëlçisë ishin në rrezik shumë më të lartë nga Covid sesa fëmijët e shëndetshëm.
Komiteti këshillimor ka lënë të hapur mundësinë që qeveria britanike mund ta bëjë të detyrueshëm vaksinimin e fëmijëve për arsye jo-shëndetësore si hapja e shkollave.
Katër zyrtarëve kryesorë mjekësorë në Mbretërinë e Bashkuar tani u është kërkuar të kenë fjalën e fundit dhe të marrin në konsideratë ndikimin më të gjerë të vaksinimit, si në shkolla apo shoqëri.
Sekretari i Shëndetësisë, Sajid Javid tha se një vendim do të merret së shpejti.
Komiteti i Përbashkët për Vaksinimin dhe Imunizimin këshilloi zgjerimin e programit ekzistues të vaksinave për të përfshirë një shtesë prej 200.000 adoleshentësh.
Vendimi për të mos rekomanduar vaksinën për të gjithë fëmijët e shëndetshëm u bazua edhe në shqetësimin për një efekt anësor jashtëzakonisht të rrallë të vaksinave Pfizer dhe Moderna, i cili shkakton probleme në zemër dhe mund të shkakojë dhimbje gjoksi.
Franca, Italia, Izraeli dhe Irlanda po ofrojnë gjithashtu vaksinën për të gjithë fëmijët në këtë grupmoshë.
Comments
Post a Comment